O Camiño Medieval por Cabana de Bergantiños

Folleto dun percorrido a pé de máis de 14 quilómetros que comeza do seguinte xeito: “Imos percorrer vellos camiños, desanda-las pisadas dos nosos antergos, a ruta dos viaxeiros medievais que ían e viñan, desde Compostela por Ponte Nafonso, Ponte Brandomil, Esmorís, Cesullas ata Ponteceso. Este camiño medieval entraba nas terras do Concello de Cabana de Bergantiños, pola parroquia de Anos, por Seixos Brancos. O paso do tempo, con tódalas súas connotacións históricas cheas de lendas e lugares de interese será fiel compañeiro da nosa viaxe”.