Autor: creativa.trash@gmail.com
Homenaxe a Rosalía de Castro
«Fixen un caldo de groria / que me soupo que la mar». O 23 de febreiro homenaxearemos a Rosalía de Castro cociñando e degustando este prato.
Por suposto, non faltará un recital dos versos da poetisa do Rexurdimento.
Ven a celebrar con nós esta xornada na Escola de Vela ás 11:00 horas.
A asistencia é gratuíta con inscrición previa no 981 75 40 20 ata completar aforo.
Martes de Entroido
O Entroido chega a Cabana o martes, 17 de febreiro!
Ás 17:00 horas o Pavillón Municipal abrirá as súas portas para ofrecer unha xornada cargada de diversión.
Haberá xogos, doces típicos desta época, música en directo da man de Dúo Musical Primeira Fila, un concurso de comparsas, unha pasarela de disfraces infantís e moito máis.
As persoas participantes no certame poderán optar a distintos premios en metálico.
Máis información e formulario de inscrición: https://cabana.gal/concurso-de-comparsas-do-entroido/
Entroido 2026
Don Carnal chega a Cabana! O martes de Entroido centra unha ampla programación cultural que inclúe teatro, bailes sociais, un obradoiro creativo e unha homenaxe á nosa poetisa máis senlleira, Rosalía de Castro.
O 17 de febreiro haberá diversión para todos no pavillón municipal, con inchables, música e degustación de doces. As comparsas que queiran apuntarse ao concurso e lucir as súas mellores galas poden facelo do 2 ao 16 de febreiro.
Historias para escagarriñarse
Este domingo, 8 de febreiro, o Auditorio Municipal acollerá a obra de teatro ‘Historias para escagarriñarse’.
A partir das 18:00 horas Teatro Ghazafelhos fará un repaso das historias tradicionais da nosa cultura desde o humor.
A participación do público será imprescindible para a narración, contamos contigo!
